Simbang Gabi Update

May naghahabulan nanaman sa mga kalsada sa mga oras na ito.  Sa may street sa ilog nagtatakbuhan.  Naghahabulan nanaman ng mga bato.  Nagsisigawan nanaman.

Parang mga tanga.  Kung matapang ka wag kang tumakbo.  At kung humahabol ka wag mong patakbuhin ang kalaban mo.  Sigaw ng isang humahabol, "Sige TAKBO pa!".  Anak naman ng pitumpung tupa.  Eh diba ang gusto mo mahabol ung tao?  Wag mo ng patakbuhin.  TANGA TANGA talaga nitong mga ito.  Pinapagod mo lang sarili mo. 

  

Simbang Gabi

Ika 15 ng Disyembre ang simula ng simbang gabi.  Simula nanaman ng siyam na araw ng pagsisimba bago sumapit ang Pasko.  

Malamig na simoy ng hangin.  Kaya't ihanda ang jaket, bonet at sumbrero.  Mabango ang mga pagkain tulad ng puto bumbong at bibingka.

Marami ang nangagsimba.  Pamilya, magkasintahan, mga tropa.  Kumbaga sarisaring tao ang iyong makikita.

Para sa akin ang simbang madaling araw dito sa Shrine of Our Lady of the Abandoned, Marikina City ay dapat ng itigil.  Alam ninyo siguro kung bakit.  Kung inyong mapapansin pag simbang gabi palaging may di kaaya ayang nangyayari sa paligid.

Ginagawang BATTLE GROUNDS ng mga iba't ibang topa ang paligid ng simbahan.  Kabi kabilang kanto may mga nakaantabay, nagaabang ng mga kalabang tropa.  May mga dalang bato, bote, pamalo at kung minsan may philbox pa.  

Nagsisimula sa murang edad.  Kung aking susumahin nasa paligid ng 11 hanggang 20 mahigit ang mga edad nila.  Ang mga pinama maliliit at mga bata ang nakikita kong nauuna sa mga habulan.  Kumbaga sila ang unang panugod.  Ang mga matatanda or mga beterano ay nasa likod nag uutos.  Oo nga naman sila ang mga founder or mga elder, hindi dapat mauna.  

Nagiging dahilan na lang ang simbang gabi upang makalabas ang mga kabataan na yan.  Nagiging dahilan na lang ang simbang gabi para makipag rambulan ang mga yan.  

Hindi naman napipigilan ng mga kinauukulan ang mga ito.  Ang pinagtataka ko ay kilala naman nila ang mga ito.  Nangyayari ito ng ilang taon na.  Bakit hindi gumawa ng mga hakbang upang pigilan ang mga ganitong pangyayari?

Ang masama ay nadadamay ang mga ordinaryong tao.  Mga gustong magsimba at manalangin.  Mga bata na pwedeng masaktan.  Mga matatanda na walang kinalaman.  

Gaano katagal pa kaya mangyayari ang mga ito?  Ilan pa kaya ang masasaktan?  May buhay pa kayang mawawala dahil dito?

Antayin ko ulit ang mangyayari sa isang taon? 

Ang Pagtapik

Habang nag surf ako sa net .. nasa tabi ko ang aking anak.  Ang sarap pagmasdan ng napaka inosenteng bata na natutulog.  

Biglang makikita mo na gagalaw at magigising.  Iyong tatapikin ang bata paminsan ay may kasabay na himig na pampahele.  

Bakit nga ba natin tinatapik ang bata kapag nagigising?  Hindi ba dapat siya ay lalong magising sa dahilan ng pagtatapik?

Pumasok lamang sa king pang unawa.. marahil naghuhudyat lamang un sa mga bata na sila'y may katabi at nagsasabing andito si nanay or si tatay na nagbabantay sa iyong pagtulog.

At sila'y unti unting muling mahihimbing.. salamat nanay at tatay